Kapitulli 24 – Drejtësia, Liria dhe Siguria – është pjesë e Grupkapitullit 1 – Themeloret dhe negociatat për këtë kapitull janë të hapura. Qëllimi i tij është të mbështesë dhe zhvillojë më tej Bashkimin Europian si një hapësirë lirie, sigurie dhe drejtësie. Kapitulli kërkon forcimin e kapaciteteve administrative dhe bashkëpunimit ndërinstitucional, veçanërisht ndërmjet agjencive të zbatimit të ligjit dhe institucioneve të tjera përkatëse, në përputhje me standardet e BE-së. Një polici profesionale, efikase dhe e besueshme është një element i rëndësishëm i këtij kapitulli. Një pjesë veçanërisht e rëndësishme lidhet me acquis-in e Schengen-it, i cili synon heqjen e kontrolleve në kufijtë e brendshëm dhe garantimin e lëvizjes së lirë brenda hapësirës Schengen. Çështjet kryesore të mbuluara nga ky kapitull përfshijnë:
- luftën kundër korrupsionit;
- luftën kundër terrorizmit;
- bashkëpunimin në fushën e drogës;
- migracionin e ligjshëm dhe të parregullt;
- azilin;
- menaxhimin e kufijve dhe acquis-in e Schengen-it;
- bashkëpunimin gjyqësor në çështjet penale dhe civile.
Prioritetet dhe sfidat kryesore përfshijnë forcimin e bashkëpunimit ndërinstitucional, përmirësimin e menaxhimit të kufijve dhe sistemit të azilit, luftën kundër krimit të organizuar dhe terrorizmit, si dhe forcimin e bashkëpunimit me Europol-in dhe agjencitë e tjera përkatëse të BE-së.
